Би чамтай ярилцмаар санагдаж
Зөвхөн чамайг л үгүйлж байна
Удаанаас удаан чангаас чанга тэврэн
Ухаанаа алдтал дурламаар байна
Ганц хоёр хатуу үг ч даахгүй
Эмзэгхэн сэтгэлтэй намайг
Гал халуун хайраар жаргаавал
Эмэгтэй чамайг эрхлүүлэх байх даа
Гэнэн балчир насны гэгээн үерхэлт найзууд
Гэрэлтэх сарны туяа шиг инээмсэглэлт нандин мөчүүд
Биенээ гэх сэтгэлээ илэрхийлэх нууцхан шивнээ
Битүүхэндээ хайр гэдгийг амсах амьдралын төөрөг
Охин хөвгүүн насанд онцгойрч тодрох өөрчлөлт
Орчлон хорвоо дэлхий мэгшрэх байгалийн тавил
Анхны хайрын аялгуу ирээдүйг замчлах хөтөч
Атганд багтах сэтгэл томоогүй үйлийн нулимс
Хөтлөгдөх замын мөрөөдөл хөврөх цагийн тарчлал
Юугаа ч мэдэхгүй төсөөлөл тавилант номын төсөөрөл
Хатууг зөөлөнг бас жаргалыг шимэх мэдрэхүй
Ойлгон ухах ухагдахуун ба түүний цаадах ертөнц
**** **** **** ****
Харц тулгарсан санаандгүй учрал
Хавар ирсэн томоогүй үерхэл
Хайр хайр анхны хайр
Хагацаж чадамгүй гэнэн хоёр